Obradoiros, discurshows, ludiconferencias, cafés... a vida prolifera no planeta Discurshow. Despois de longos anos de colisións entre partículas no noso laboratorio conseguimos dar forma a unha ampla variedade de experiencias con grande diversidade de formatos. Ao colisionarmos Ciencia e Arte Dramática aparecen ás veces produtos inesperados, partículas escénicas de alta enerxía con grande capacidade de penetración, adaptábeis a practicamente todo tipo de públicos e espazos.
É unha conferencia? É un espectáculo? NON! É un discurshow!
Non é exactamente unha charla ou un discurso. Non é estritamente un drama ou unha comedia. É un pouco de todo: É un DISCURSHOW. O seu obxectivo é transmitir coñecemento de un xeito atractivo e divertido, mais sen abandonar o rigor. Os DSW son espectáculos pensados para todo tipo de públicos e tratan temas relacionados coa ciencia e o coñecemento.
| DISCURSHOW | Dramatizamos a ciencia! | DISCURSHOW | Ludiconferencias espectaculares!! | DISCURSHOW | Comprenderás todo cando o vexas :)
A normalización da presenza feminina empoderada nos diversos ámbitos da vida en sociedade parece ter collido despreparada e despistada a masculinidade rampante e confiada. [Estrea en breve] +info
A combustión indiscriminada de materiais fósiles está provocando un aquecemento inesperado do noso planeta. O xeito de nos locomover está en proceso de transformación. Pé no Pedal! O transporte en tempos de crise climática. +info
En órbita un novo Xperimenta!, os nosos obradoiros espectaculares de divulgación. Con Orbitamos! saímos ao espazo exterior á procura de orientación. +info
Aprender a coñecer os mecanismos e estratexias que usa o noso cerebro para se relacionar co entorno permítenos desenvolver técnicas que operen satisfactoriamente en caso de disfunción. [LAB]out! +info
Tras un repaso ás perspectivas que a termodinámica anuncia para os próximos anos, HABITO TERRA propón o reforzamento das nosas habilidades comunitarias desde a fraternidade e a consciencia global. +info
Código Sapiens trata sobre as orixes da linguaxe, na ardua tentativa de entender por que raio será que falamos. Xurxo Mariño e Vicente Mohedano asinan esta produción, defendida agora en escena por Vicente... en solitario!! +info
Ovellas, cifras, dedos, códigos... Voute contar mergulla nas orixes da arte de contar. Contar, contar! Que manía de contar e medir todo con números! +info
Eu quería ver polas orellas. Así podería mirar de lado. E ollar por detrás non estaría nada mal... Non sei, penso que algo falta nas orellas para elas conseguiren ver... Como raio fan os ollos para ver? Xperimenta! +info
LER CONTA MOITO 2023
Este ano 2023 incluímos no programa Ler Conta Moito unha versión adaptada do noso show Código ALFA.
AQUÍ o link á actividade no Catálogo.
Se ves que tal, fala connosco! ;)
Xa foi...
TECNÓPOLE 10+11+12 maio
A nosa proposta para a Galiciencia 2023 tenta revisar desde as alturas o futuro da industria aeronáutica.
LIFE JACKET IS UNDER YOUR SEAT!
A locomoción e o transporte consumen a maior parte das reservas disponíbeis de enerxía de orixe fósil, acompañando un modelo nacido ao calor da riqueza enerxética que caracterizou o século XX.
